نفسي أفهمك يا دنيا .. وأعرف عايزه منى إيه؟؟
ليه كل فرحه عندى تخديها ومن غير حساب ؟؟
ليه غاويه جرح قلبى وتسبينى فى العذاب ؟؟
أضحك وأبتسم وأفرح .. وأقول خلاص ..
راحت أيام العذاب .. وفهمتك يا دنيا
وأمشى أضحك وأملى قلبى بالسعاده
وفى عنيا تزيد زياده
وأضحك وكأنى جبت التايهه
وأبص قدامى ...
واللى ورايا دا مجرد ذكرى
ذكرى وعدت من سنين
بس حقيقتى .. إنى هعمل زى تيتى
وزى ما روحتى زى ما جيتى
واالى جاى زى اللى فات
وكله كذب وخداع
وأقسي كمان من اللى فات
تفرحنى وتضحكنى ...
وتدينى فرحتى بيمينها
وفى ثوانى ...
تخدها بشمالها
نفسي أفهمك يا دنيا .؟.؟
هو أنت كلك أوجاع
ولأ يوم حلو .. ويوم مر
وأن جه الحلو .. ليه مش بيدوم ؟؟
وأن شفت المر ليه مش بيزول ؟؟
حقيقتك .. يومك الحلو بسنه مر
نفسي أفهمك يا دنيا وأعرف عايزه منى إيه ؟؟
لو عايزه كل أفراحى خديها
وسيبيلى كل مواجعك
بس سبيلى فرحه واحده
أفرحها من قلبى
وأعيش على ذكراها
وأقول فهمت الدنيا مره واحده
وأضحكى عليا بعديها ؟؟!!
موضوع: نفسي أفهمك يا دنيا ؟؟!! 
2010-09-18, 7:02 am